ચીખલી તાલુકાનાં મલવાડા ગામે ટ્રાન્સપોર્ટ કંપનીની બહાર મૂકેલી બાઈકની ચોરી થઈ હતી. પ્રાપ્ત માહિતી અનુસાર, ચિંતનભાઈ નિલેશભાઈ પટેલ (રહે.મંદિર ફળિયા,અતુલ,વલસાડ)એ ગત તારીખ ૧૩ ડિસેમ્બરના રોજ સાંજના સાતેક વાગ્યાના અરસામાં હીરો સ્પ્લેન્ડર બાઈક નંબર જીજે/૧૫/ડીએલ/૪૬૭૧ જેની કિંમત રૂપિયા ૬૦,૦૦૦/- ઓમ રવિ ટ્રાન્સપોર્ટ ઓફિસની નીચે પાર્ક કરી હતી. જોકે બીજા દિવસે સવારનાં સમયે જોતા ઉપરોક્ત બાઈક નજરે ન પડતા અને આસપાસનાં વિસ્તારમાં શોધખોળ કરવા છતાં મળી ન આવતા ચોરી અંગેની ફરિયાદ આપતા ઘટનાની વધુ તપાસ પોલીસે હાથ ધરી હતી.