પારડીના ઉમરસાડી માછીવાડ મંદિર સ્ટ્રીટ ખાતે રહેતી 19 વર્ષીય નિરાલી હરીશભાઈ ટંડેલ જે પારડી ખાતે આવેલ જે.પી.પી. આર્ટ્સ એન્ડ કોમર્સ કોલેજમાં એસ.વાય.બી.કોમમાં અભ્યાસ કરે છે અને સાથે સાથે કોલેજ બાદ સેન્ટર પોઇન્ટ ખાતે કોમ્પ્યુટર કલાસ કરી સાંજે ઉમરસાડી ખાતે ઘરે જતી હતી. પરંતુ ગત તા.01/01/2021એ નિરાલી કોલેજ જવા માટે ઘરેથી નીકળી હતી. જોકે મોડી સાંજ સુધી ઘરે પરત ન ફરતા તેની માતા પ્રજ્ઞાબેન તપાસ કરવા પિતાને પારડી મોકલ્યા હતા. તપાસ દરમિયાન નિરાલી કોલેજ તથા કોમ્પ્યુટર કલાસ બંને જગ્યાએ ગઈ ન હોય તેનો મોબાઈલ દ્વારા કોન્ટેક્ટ કરતા મોબઈલ પણ સ્વિચ ઓફ આવતો હોય જેથી મિત્રો, તેમજ સંબંધીઓ, સગાઓ તથા આજુબાજુ દરેક જગ્યાએ તપાસ કરાઇ હતી પરંતુ નીરાલીનો કોઈએ પત્તો લાગ્યો ન હતો જેથી ગુરુવારે નિરાલીની માતા પ્રજ્ઞાબેન પારડી પોલીસ મથકે પહોંચ્યા હતા અને સમગ્ર બાબત જણાવી તેમની દીકરી ગૂમ થઈ હોવાની ફરિયાદ નોંધાવી હતી જે ફરિયાદના આધારે પોલીસે યુવતીની શોધખોળની કાર્યવાહી હાથ ધરી હતી.