આહવાનાં રાણી ફળિયા ખાતે રહેતો કરણ કમલેશ ચૌધરી પોતાના પિતાની એકટીવા મોપેડ બાઈક નંબર જીજે/૩૦/ઈ/૩૯૨૮ લઈને સાંજનાં સમયે કોઈને કંઈ પણ કહ્યા વગર નીકળી ગયો હતો અને ત્યારબાદ કરણે એકટીવા મોપેડ પોતાના મિત્ર સચિન પરેશભાઈ નંદી (રહે.રાણી ફળિયુ, આહવા)ને ચલાવવા માટે આપી હતી અને કરણ પોતે એકટીવા મોપેડ બાઈક પર વચ્ચે બેઠો હતો અને તેની પાછળ હજુ એક તેનો મિત્ર બેઠો હતો.

આ ત્રણેય જણા સાપુતારા ત્રણ રસ્તાથી પરબડી સર્કલ તરફ આવતા હતા તે સમયે સચિને એક્ટીવાને બેદરકારી અને ગલતભરી રીતે હંકારી બાઈક પરનો કાબુ ગુમાવી ડીવાઈડર ઉપર ચડાવી ડીવાઈડરની વચ્ચે મુકેલ સાઈન બોર્ડ તથા ચંપાનાં ઝાડ સાથે અથડાવી હતી અને સામેની સાઈડમાં પડી જતા એક ટ્રક નંબર જીજે/૦૪/એએક્ષ/૯૭૭૭નાં પાછળનાં ટાયરમાં આવી જતાં કરણનાં શરીરે તથા માથાનાં ભાગે ટ્રકનું ટાયર ચડી જતાં કમકમાટી ભર્યુ મોત નિપજ્યું હતું. ઘટના અંગે આહવા પોલીસ મથકે ફરિયાદ નોંધાવવામાં આવી હતી.