ભરૂચના નેશનલ હાઇવે ઉપર વડદલા ગામના ક્રોસિંગ પાસે મોપેડ સવાર દંપતીને અકસ્માત નડ્યો હતો. જોકે અજાણ્યા વાહન ચાલકે ટક્કર મારતા અકસ્માત થયો હતો અને આ અકસ્માતમાં પતિનું ઘટના સ્થળે જ મોત નીપજ્યું હતું. મળતી માહિતી મુજબ, એક દંપતી પોતાની મોપેડ લઇ વડદલા ગામના ક્રોસિંગ પાસેથી પસાર થઇ રહ્યું હતું. તે દરમિયાન અજાણ્યા વાહન ચાલકે દંપતીને ટક્કર મારતા અકસ્માત સર્જાયો હતો. આ અકસ્માતમાં ગંભીર ઈજાઓને પગલે પતિનું ઘટના સ્થળે જ કરુણ મોત નીપજ્યું હતું, જયારે ઈજાગ્રસ્ત મહિલાને 108 સેવાની મદદ વડે ભરૂચ સિવિલ હોસ્પિટલ ખાતે ખસેડવામાં આવી હતી. અકસ્માત અંગે પોલીસે તપાસ હાથ ધરી હતી.