સોનગઢના શાકભાજી માર્કેટ માંથી મુંબઈથી નીકળતા વરલી મટકાના અંકો પર જુગાર રમાડતા એક શખ્સ ઝડપી પાડવામાં આવ્યો હતો જયારે એક મહિલાને વોન્ટેડ જાહેર કરવામાં આવ્યો હોવાનો બનાવ પોલીસ મથકે નોંધાયો છે,

 

 

 

 

 

મળતી માહિતી અનુસાર તા.27મી માર્ચે સોનગઢ પોલીસ સ્ટાફના માણસો ખાનગી વાહનમાં બેસી સોનગઢ ટાઉન વિસ્તારમાં પ્રોહી.તથા જુગાર અંગેની પેટ્રોલિંગમાં હતા તે દરમિયાન સોનગઢના શાકભાજી માર્કેટમાં રીતાબેન રાકેશભાઈ ટેલર નાઓના ઘર આગળ નીચે બેસી મુંબઈથી નીકળતા વરલી મટકાના અંકો પર જુગાર રમાડતા જેન્તીભાઈ હોલ્યાભાઈ ગામીત રહે, કેળાઈ ગામ, નિશાળ ફળિયું તા.સોનગઢ નાને જુગારના સાધનો રોકડ રકમ સહિત કુલ રૂપિયા 800/- ના મુદ્દામાલ સાથે સોનગઢ પોલીસની રેડમાં ઝડપી પાડવામાં આવ્યો હતો. જોકે રીતાબેન ટેલર નામની મહિલાને વોન્ટેડ જાહેર કરવામાં આવ્યો હતો.

 

 

 

 

 

બનાવ અંગે પોલીસ કોન્સ્ટેબલ લાલજીભાઈની ફરિયાદના આધારે બંને આરોપીઓ વિરુદ્ધ સોનગઢ પોલીસ મથકે ગુનો નોંધવામાં આવ્યો છે.