સુર્યવંશી મનિષા/વ્યારા : નિઝર પોલીસ સ્ટાફના માણસો સોમવારે બપોરે ખાનગી વાહનમાં બેસી પ્રોહી તથા જુગારની રેડમાં નીકળેલ હતા. તે દરમિયાન ફરતા ફરતા ઈંટવાઈ ગામના મંદિર ફળિયામાં પોલીસે રેડ કરી હતી જ્યાં પોલીસને જોઈ કેટલાક ઈસમો ભાગી છુટ્યા હતા જ્યાંરે જમીન પર બેસેલ એક ઈસમ મુંબઈથી નીકળતા વરલી મટકાના આંકો ઉપર અંકો લખી જુગાર રમાડતો ઝડપાઈ ગયો હતો.ત્યારબાદ પોલીસે તેનું નામ પૂછતા તેને પોતાનું નામ રઘુવીરભાઈ કેમુભાઈ પાડવી (રહે.ઈંટવાઈ ગામ) જણાવ્યું હતું. આમ, પોલીસે જુગારનાં સાધનો તથા રોકડનો મુદ્દામાલ કબ્જે કર્યો હતો. બનાવ અંગે પોલીસ કર્મીની ફરિયાદના આધારે ગુનો નોંધી કાર્યવાહી હાથ ધરી હતી.