મહારાષ્ટ્રના નંદુરબાર જીલ્લામાં આવેલ નવાપુર શહેરના મંગલદાસ પાર્ક વિસ્તારના એક ડોકટરના પાછળના ભાગના રસ્તા પર આવેલ અને એક વર્ષથી હૈદરાબાદ મુકામે રહેતા વિજયાબેનના બંધ ઘરનો તાળું તોડી ચોરી કરવાનો પ્રયાસ કર્યો હતો પરંતુ ઘરમાં કઈ ના મળતા એ જ વિસ્તારમાં સેવા નિવૃત પ્રાધ્યાપક જી.એક.પાટિલના ઘરની ગ્રીલ તોડી ઘરની બહાર મુકેલા ચારો કાપવાનું કોયતા લઈ ૩ લુટારુઓ ઘરમાં પ્રવેશી ૮૫ વર્ષના વૃદ્ધ દંપતિને કોયતા વડે મરાઠી ભાષામાં ધમકાવીને હાથમાંથી સોનાની વીંટી અને કબાટમાં મુકેલું મંગળસુત્ર લઈ લીધુ હતું. કોયતા જોઈ વૃદ્ધ દંપતીએ કોઈ પ્રતિકાર ના આપતા મોટી દુર્ઘટના થતી બચી ગઈ હતી.

એ દરમિયાન પેટ્રોલિંગ કરી રહેલી પોલીસ વાહનનું સાયરન સાંભળીને લુંટારુઓ ભાગી ગયા હતા. લુંટારુઓ એ મોઢા પર રૂમાલ બાંધેલો હતો એવું જાણવા મળ્યું છે. ઘટનાની જાણ થતા પોલીસ ઘટના સ્થળે આવી એ વિસ્તારના ઘરની બહાર લગાવેલ સી.ટી.વી. ફૂટેજના આધારે  તપાસ શરુ કરી હતી.