મનિષા એસ. સુર્યવંશી/તાપી : સોનગઢના સોનારપાડા ગામની સીમમાં નેશનલ હાઈવે પર ગુજરાત સ્ટોન કવોરી સામે આવેલ યુટન કટ પાસે ટ્રક અડફેટે આવતાં મોપેડ બાઈક ચાલક યુવક ઈજાગ્રસ્ત થયો હતો. બનાવ અંગે પોલીસે ગુન્હો નોંધી તપાસ હાથ ધરી હતી. મળતી માહિતી મુજબ, સોનગઢના દેવજીપુરામાં રહેતા રોશનભાઈ ચંદ્રભાઈ રાઠોડ તારીખ ૧૧-૦૨-૨૦૨૫ નારોજ પોતાના કબ્જાની મોપેડ બાઈક નંબર જીજે-૨૬-એસી-૯૮૫૯ લઈને પસાર થઈ રહ્યા હતા.

તે સમયે સોનારપાડા ગામની સીમમાં નેશનલ હાઈવે પર ગુજરાત સ્ટોન કવોરી સામે આવેલ યુટન કટ પાસેના રોડ પર એક ટ્રક નંબર જીજે-06-ટી-૩૩૮૨ના ચાલકે પોતાના કબ્જાની ટ્રક પુરઝડપે અને ગફલતભરી રીતે હંકારી લાવી રોશનભાઈની મોપેડ બાઈક અડફેટે લઈ અકસ્માત સર્જ્યો હતો જોકે આ અકસ્માતમાં બાઈક ચાલક રોશનભાઈ મોપેડ સાથે ઉછળી ડિવાઈડર સાથે અથડાઈ જતાં માથાના ભાગે ગંભીર ઈજા પહોંચી હતી. બનાવ અંગે પ્રવિણાબેન રોશનભાઈ રાઠોડએ તારીખ ૧૨-૦૨-૨૦૨૫ નારોજ સોનગઢ પોલીસ મથકે ટ્રક ચાલક સામે ગુન્હો નોંધાવતા પોલીસે ગુન્હો નોંધી કાયદેસરની કાર્યવાહી હાથ ધરી હતી.