સુરત જિલ્લાનાં કામરેજ ખાતે રહેતી ૩૮ વર્ષીય પરપ્રાંતીય પરિણીતાનું હાર્ટએટેકથી મોત થયું હતું. પ્રાપ્ત માહિતી અનુસાર મૂળ યુપીના લખનૌની વતની અને હાલ કામરેજ ખાતે સત્યમ ચોકડી પાસે દાદા ભગવાન રેસિડેન્સીમાં રહેતી ૩૮ વર્ષીય સ્મિતાસિંગ સત્યાવાસિંગ ચૌહાણ ઘરે હતી. તે દરમિયાન તેને છાતીમાં દુખાવો ઉપડ્યો હતો. તેને અર્ધબેભાન હાલતમાં પરિવારજનોએ સારવાર અર્થે નજીકની હોસ્પિટલમાં લઈ ગયા હતા. જ્યાં ફરજ પરના ડોક્ટરોએ સ્મિતાસિંગનું હાર્ટએટેકથી મોત થયાનું જણાવ્યું હતું. ઘટના અંગે કામરેજ પોલીસે ગુનો નોંધી આગળની તપાસ હાથ ધરી હતી.