સુરતનાં માંડવી તાલુકાનાં સઠવાવ ગામે વરલી મટકામાં આંક ઉપર જુગાર રમાડતા એક વ્યક્તિને માંડવી પોલીસે ઝડપી પાડી કાર્યવાહી હાથ ધરી હતી જયારે એક વ્યક્તિને વોન્ટેડ જાહેરકરવામાં આવ્યો હતો. સુત્રો પાસેથી મળતી માહિતી અનુસાર, માંડવી પોલીસની ટીમ પેટ્રોલીંગમાં હતી.તે દરમિયાન મળેલ બાતમીનાં આધારે, માંડવીનાં સઠવાવ ગામે બેડી ફળિયામાં રેડ કરતા જાહેરમાં બેસી એક વ્યક્તિ મુંબઈથી નીકળતા વરલી મટકાના આંક ઉપર જુગાર રમાડી રહયો હતો અને પોલીસે તેને ઝડપી પાડી તેનું નામ લાલસિંગ મચાભાઈ ચૌધરી (રહે,સઠવાવ,બેડીફળિયું,માંડવી) જણાવ્યુ હતું પોલીસે તેની પાસેથી રોકડા રૂપિયા 16,120/- અને મોબાઈલ મળી કુલ રૂપિયા 21,120/-નો મુદ્દામાલ કબજે કર્યો હતો જ્યારે આ ગુનામાં સંડોવાયેલ અકબર અબ્બાસ અલી (રહે.વાંકલ ગામ,મંદિર ફળિયું,માંગરોળ) નાને વોન્ટેડ જાહેર કરી આગળની કાર્યવાહી હાથ ધરી હતી.