વલસાડનાં કાંઠા વિસ્તારનાં ગામો પૈકીનાં દાંડી અને ભાગલ દરિયા કિનારે દીપડો લટાર મારતા નજરે પડયો હતો. દિપડાએ ભાગલના દરિયા કિનારે એક રખડતા વાછરડાનો શિકાર પણ કર્યો હતો. આ ઘટનાના ૨૪ કલાક બાદ વલસાડ નજીકના ગુંદલાવ ઉજ્વલનગર વિસ્તારના રહેણાંક વિસ્તારમાં ખોરાકની શોધમાં આવી ચઢેલો એક દીપડો જાહેર રસ્તા પરથી પસાર થતા દેખાયો હતો. રહેણાંક વિસ્તારમાં દિપડાની હાજરીને લઈને સ્થાનિક રહીશોમાં ભયની લાગણી ફેલાઈ જોવા મળી છે.