નર્મદા જિલ્લાનાં સાગબારા તાલુકાનાં ઉભારીયા ગામની સીમમાં દીપડાએ બે વર્ષનાં બાળક ઉપર હુમલો કરતાં બાળક ઈજાગ્રસ્ત બન્યો હતો. સાગબારાનાં જંગલ ખાતાની કચેરી દ્વારા ઉભારીયા ગામની સીમમાં દિપડાને પાંજરે પુરવાની લોકોએ માંગણી કરી હતી.

બનાવની વિગત એવી છે કે, જાહેરાત આપનાર નિલેષભાઈ કરમસિંગ વસાવા (રહે.ઉભારીયા) સાઢુભાઇનો દિકરો રીહાનકુમાર રોહિતભાઈ વસાવા (ઉ.વ.૨., (રહે.ઈદલાવી) તારીખ ૮ નાંરોજ સાંજના ૫.૩૦ વાગ્યાના આરસામાં ઉભારીયા ગામની સીમમાં આવેલા નિલેષ વસાવાના ખેતરે રીંગણ તોડવા માટે ગયા હતા. તે સમયે રીહાન ખેતરના શેઢા ઉપર ઉભો રાખેલો હતો તે દરમિયાન એકાએક ધસી આવેલ એક દિપડાએ હુમલો કરી રીહાનને ખેંચી જતો હતો.. તે વખતે દિપડાથી બચવા રિહાને મોટેથી રડવા લાગતાં નિલેષ વસાવા પાછળ દોડી જતાં દિપડો રીહાનને છોડીને જતો રહ્યો હતો. બનાવ અંગે સાગબારા પોલીસ સ્ટેશનમાં જાણવાજોગ ફરિયાદ દાખલ કરવામાં આવી હતી.