સુરતનાં કામરેજ તાલુકાનાં અબ્રામા ગામે રહેતા વૃદ્ધને કોઈ અજાણ્યા મોટરસાઇકલ ચાલકે અડફેટે લેતા શરીરે ગંભીર ઇજા પહોંચતા વૃદ્ધનું મોત નીપજયું હતું. બનાવની વિગત એવી છે કે, કામરેજનાં અબ્રામા ગામે પટેલ ફળિયામાં રહેતા નટવરભાઈ રતિલાલભાઈ પટેલ (ઉ.વ.77) નાઓને અબ્રામાથી વરાછા તરફ જતાં માર્ગ ઉપર પૂરઝડપે આવી રહેલ કોઈ અજાણ્યા મોટરસાઇકલના ચાલકે અડફેટે લેતા સર્જાયેલ અકસ્માતમાં નટવરભાઈને માથાના તેમજ શરીરના ભાગે ગંભીર ઇજા પહોંચતા તેમને સારવાર માટે સુરતની ખાનગી હોસ્પિટલમાં ખસેડવામાં આવ્યા હતા જ્યાં તેમનું સારવાર દરમિયાન મોત નીપજયું હતું. બનાવ અંગે કામરેજ પોલીસે ગુનો નોંધી આગળની કાર્યવાહી હાથ ધરી હતી.