સુરતનાં કામરેજ તાલુકાનાં નવાગામ ખાતે આવેલ એક વડના ઝાડ નીચે બેસી જુગાર રમી રહેલ 2 ઈસમોને એલસીબી પોલીસે ઝડપી પાડ્યા હતા. પકડાયેલ ઈસમો પાસેથી પોલીસે મોબાઈલ ફોન, રોકડ રકમ મળી કુલ રૂપિયા 24 હજારથી વધુનો મુદ્દામાલ ઝડપી પાડી કાર્યવાહી કરી હતી.

સુત્રો પાસેથી મળતી માહિતી અનુસાર, સુરત જિલ્લા એલસીબી પોલીસની ટીમ કામરેજ વિસ્તારમાં પેટ્રોલીંગમાં હતા તે દરમિયાન મળેલ બાતમીના આધારે, નવાગામની સીમમાં બીએસએનએલ ઓફિસની નજીક આવેલ વડના ઝાડ નીચે જાહેરમાં બેસી વરલી મટકાનો જુગાર રમી રહેલા રાકેશભાઇ ઉર્ફે નાથુ ચીમનભાઇ પટેલ (રહે.નવાગામ,મંદિર ફળીયું), સંજયભાઇ લલ્લુભાઇ પટેલ (રહે.નવાગામ નવું ફળીયું) નાને ઝડપી પાડ્યા હતા અને તેમની પાસેથી એક મોબાઈલ ફોન તેમજ રોકડ રકમ મળી કુલ રૂપિયા 24,330/-નો મુદ્દામાલ કબ્જે કર્યો હતો જ્યારે આ ગુનામાં સંડોવાયેલ રાહુલભાઇ નટવરભાઇ પટેલ (રહે.નવાગામ) નાને વોન્ટેડ જાહેર કરી ગુનો નોંધી આગળની કાર્યવાહી હાથ ધરી હતી.