સુરતના કડોદરા ખાતે આવેલ મિશ્રા કોમ્પ્લેક્ષનાં પહેલા માળે ગેલેરીમાં બેસી પૈસા વડે તીન પત્તીનો હારજીતનો જુગાર રમી રહેલ 6 ઈસમોને કડોદરા પોલીસે ઝડપી પાડી કાર્યવાહી હાથ ધરી હતી. મળતી માહિતી અનુસાર, કડોદરા જી.આઈ.ડી.સી પોલીસની ટીમ પેટ્રોલીંગમાં હતી. તે દરમિયાન બાતમીનાં આધારે કડોદરા ખાતે આવેલ પટેલ પાર્ક, મિશ્રા કોમ્પ્લેક્ષનાં પહેલા માળે રેડ કરી હતી હતી.

તે દરમિયાન કેટલાક ઈસમો ભેગા મળી ગેલેરીમાં બેસી પૈસા વડે તીન પત્તીનો હારજીતનો જુગાર રમી રહ્યા હતા. આમ, પોલીસે જુગાર રમી રહેલ 6 ઈસમોને ઝડપી પાડ્યા હતા અને તેમની પાસેથી રોકડા રૂપિયા 17,200/- તથા અંગઝડતીના રૂપિયા 17,810/- તથા 4 મોબાઈલ ફોન કિંમત રૂપિયા 17,000/- મળી કુલ રૂપિયા 52,010/-નો મુદ્દામાલ કબ્જે કરી ગુનો નોંધી આગળની કાર્યવાહી હાથ ધરી હતી.