નવસારી જીલ્લાના વિવિધ વિસ્તારોમા ભારેથી અતિભારે વરસાદને કારણે નવસારી જીલ્લામાં પુરની ગંભીર પરિસ્થિતિ ઉભી થઇ હતી. જલાલપોર તાલુકાના માછીવાડ દિવાદાંડી ગામે ભારે વરસાદના કારણે પ્રોટેકશન વોલના પાછળનો માટીનો પાળો તૂટી જવાથી પાણી ગામમાં આવતાં ગ્રામજનોએ ડ્રેનેજ વિભાગને આ અંગે જાણ કરી હતી. ડ્રેનેજ વિભાગે તાત્કાલિક તેમની ટીમ સ્થળ પર મોકલી પાળાની સમારકામની કામગીરી મોડીરાત્રિ દરમિયાન કરી ગ્રામજનોની મુશકેલી દૂર કરવામાં આવી હતી.