તાપી જિલ્લા ગ્રામ વિકાસ એજન્સીના નિયામકના માર્ગદર્શન હેઠળ આંતરરાષ્ટ્રીય મહિલા દિવસની ઉજવણીના ભાગરૂપે તાલુકા પંચાયત વ્યારા, વાલોડ, ડોલવણ, સોનગઢ, ઉચ્છલ, નિઝર, કુંકમુંડા ખાતે “ચાલો આપણા ઘર, આપણા ગામડાને સ્વચ્છ અને નિર્મળ બનાવતી નારીઓનું સન્માન કરીએ”ના સ્લોગન સાથે આંતરરાષ્ટ્રીય મહિલા દિવસની ઉજવણી કરવામાં આવી હતી. જેમાં મહિલા સરપંચશ્રીઓ, મહિલા સ્વચ્છતાગ્રાહી, સ્વ સહાય જૂથોની બહેનો, ઉપસ્થિત રહ્યા હતા. આ પ્રંસગે વિવિધ તાલુકાઓમાં ઉપસ્થિત મહાનુભાવોના હસ્તે નિર્મળ ગુજરાતની નાયિકાઓને આંતરરાષ્ટ્રીય મહિલા દિવસ નિમિતે સ્વચ્છતા અંગે સન્માનપત્ર આપવામાં આવ્યું હતુ.