સુરત શહેરમાં રેકોડબ્રેક ઠંડી નોંધાયા બાદ આજે આશિંક ઘટાડો થઇને 11.0 ડિગ્રી નોંધાવાની સાથે આખો દિવસ કલાકના 6 કિ.મીની ઝડપે ઠંડા પવન ફુંકાતા શહેરીજનો ઠંડીમાં ઠુઠવાયા હતા. આગામી બે-ત્રણ દિવસમાં ઠંડી ઘટીને 13.1 થી 15.5 ડિગ્રી વચ્ચે રહેવાની સંભાવના છે. હવામાન કચેરીના પ્રવકતાના જણાવ્યા મુજબ, સુરતનું અધિકતમ તાપમાન 26.0 ડિગ્રી, લઘુતમ તાપમાન 11.0 ડિગ્રી, ભેજનું પ્રમાણ 35 ટકા, હવાનું દબાણ 1011.6 મિલીબાર અને ઉતર દિશામાંથી કલાકના 6 કિ.મીની ઝડપે પવન ફુંકાયા હતા. સુરત શહેરમાં સોમવારે રેકોડબ્રેક 10.2 ડિગ્રી નોંધાયા બાદ સામાન્ય ઘટાડો થયો હોવા છતા આખો દિવસ કોલ્ડવેવના કારણે શહેરીજનો તાપ પડતો હોવા છતા ઠંડીથી બચવા માટે જેકેટ, સ્વેટર પહેરીને ફરતા નજરે પડયા હતા. આગામી દિવસોમાં મહતમ તાપમાન 25.8 ડિગ્રી થી 31.1 ડિગ્રીની વચ્ચે રહેશે અને લઘુતમ તાપમાન 13.1 ડિગ્રી થી 15.5 ડિગ્રી વચ્ચે રહેવાની હવામાન વિભાગે આગાહી કરી હતી. તાપમાનમાં થોડાક અંશે વધારો અને ભેજમાં થોડાક અંશે ઘટાડાની સંભાવના હવામાનવિદોએ વ્યકત કરી છે.