કડોદરા ગામે રહેતા પતિ પત્ની વચ્ચે મંગળવારના રોજ નજીવી બાબતને લઈ ઝગડો થયો હતો. ત્યારબાદ પતિને માઠુ લાગી આવતા તેણે પોતાના જ ઘરમાં રાત્રી દરમ્યાન ઘરે ફાસો ખાઇ જીવન ટુંકાવી દીધુ હતુ.

સુત્રો પાસેથી મળતી માહિતી અનુસાર, કડોદરા પ્રીયંકા સોસાયટીમાં રહેતા બોલેશ્વર ગડાધર મહારાણા (ઉ.વ.૩૩) એ સાંજના સુમારે તેની પત્ની સાથે કોઇ નજીવી બાબતે ઝગડો થયો હતો. અને ત્યારબાદ દંપતી તેમના ઘરમાં રાત્રીના સમયે સુઇ ગયુ હતુ. ત્યારે બોલેશ્વરને પત્ની સાથે થયેલ ઝગડાને લઇ માઠુ લાગી આવતા પતિએ પોતાના જ મકાનમાં ફાંસો ખાઇ લઈ જીવન ટુંકાવ્યું હતું. ત્યારબાદ તેની પત્ની જાગી જતા તેઓ તાત્કાલીક સારવાર માટે ચલથાણ હોસ્પીટલમાં ખસેડાયા હતા. જ્યાં તેઓનુ મોત નીપજ્યુ હતુ. બનવા અંગે પોલીસે ગુનો નોધી વધુ તપાસ હાથ ધરી હતી.