રાજયના આરોગ્યમંત્રી ઋષિકેશભાઈ પટેલના ૬૧માં જન્મદિવસની નવી સિવિલ હોસ્પિટલ ખાતે સુરત નર્સિગ એસોસિયેશન દ્વારા અનોખી રીતે ઉજવણી કરવામાં આવી હતી. નવી સિવિલ હોસ્પિટલ ખાતે નર્સિગ કાઉન્સીલના ઉપપ્રમુખ ઈકબાલ કડિવાલા દ્વારા હાડકાના વિભાગમાં વડા ડો.હરિ મેનને પાંચ વ્હીલચેર, પાંચ વોકર અને પાંચ બગલ બોડી હાડકાના વોર્ડમાં જરૂરીયાત મંદ દર્દીઓ માટે અર્પણ કરવામાં આવી હતી. આ ઉપરાંત ગાયનેક વિભાગમાં તાજા જન્મેલા બાળકોની માતાઓને ગોદડી, રૂમાલ સહિતની ૧૬૧ જેટલી કિટ્સ અર્પણ કરવામાં આવી હતી. આ પ્રસંગે આઈ.એમ.એ.ના પૂર્વ પ્રમુખ અને સિન્ડીકેટ મેમ્બર ડો.પારૂલ વડગામાએ જન્મદિવસની ઉજવણીમાં ભાગ લઈ લીધો હતો. આ પ્રસંગે બાળકોને ફ્રુટ વિતરણ કરીને આરોગ્ય મંત્રીના દિર્ધાયુ આયુષ્ય માટે શુભકામનાઓ પાઠવી હતી.