રાજપીપળા ના દેશમુખ ફળીયા નજીક લગ્નના વરઘોડા માં નાચતી વખતે એક વ્યક્તિને ધક્કો વાગી જતા પંચ વડે હુમલો કરી ધમકી અપાતા ફરિયાદ નોંધાઈ છે.

પ્રાપ્ત માહિતી મુજબ રાજપીપળા સડક ફળીયા માં રહેતા રવિભાઈ મંગાભાઇ વસાવા ની ફરિયાદ મુજબ તેઓ તેના મિત્રના વરઘોડામાં નાચતા હતા તે વખત પ્રેમ સુરેશભાઇ વસાવા ને ધકકો વાગતા ગાળો બોલવા લાગેલ જેથી ગાળો બોલવાની ના પાડતા પ્રેમ વસાવા ઍકદમ ઉશ્કેરાઇ જઇ રવિભાઈ ને પંચ વડે માથામાં મારી ઇજા કરી હતી તે વખતે છોટુભાઇ દિનેશભાઇ વસાવા પણ ત્યાં આવી રવિભાઈ ને લાકડી વડે સપાટા મારી ઇજા કરી જાનથી મારી નાખવાની ધમકી આપી હોય રાજપીપળા પોલીસે બંને વિરુદ્ધ ગુનો નોંધી તપાસ હાથ ધરી છે. (ભરત શાહ દ્વારા-રાજપીપળા)