તાપી જિલ્લાના સંકલિત બાળ વિકાસ યોજના વ્યારા ઘટક-૧ના સી.ડી.પી.ઓ. તથા સ્ટાફના કુલ ૧૦ જેટલા આંગણવાડી કાર્યકર અને તેડાગર બહેનોનો વિદાય સંમારભ તાલુકા પંચાયત વ્યારા આઇ.સી.ડી.એસ. કચેરી ખાતે રાખવામાં આવ્યો હતો.

આ પ્રસંગે સી.ડી.પી.ઓ. તન્વી પટેલ અને ગીતાબેન ગામીત સહિત સહકર્મચારીઓ દ્વારા કાર્યકર અને તેડાગર બહેનોને પુષ્પ, નારીયેલ, શાલ તેમજ સન્માન પત્ર આપી તેમની કામગીરીને બિરદાવવામાં આવી હતી. સી.ડી.પી.ઓ દ્વારા બહેનોની કામગીરી થકી આંગણવાડીના બાળકો આજે સારી નોકરી, સારા હોદ્દા પર છે આ બાબત આપણા સૌ માટે ખુબજ ગર્વની બાબત છે તેમ જણાવ્યુ હતુ. વિદાય લેતા કાર્યકર અને તેડાગર બહેનોએ તેમની ફરજ દરમ્યાન થયેલા અનુભવોના સ્મરણો યાદ કર્યા હતા. સમગ્ર કાર્યક્રમનું સંચાલન આસ્થા પંડ્યાએ કર્યુ હતુ.