ગાંધીનગર લોકલ કાઇમ બ્રાન્ચે બાયડ-દહેગામ રોડ ઉપર સાંપા ગામની સીમમાં અતિથ ફાયબર કંપનીની પાછળથી ભારતીય બનાવટના અલગ અલગ બ્રાન્ડની વિદેશી દારૂની નાની મોટી બોટલો સાથે એક આરોપીની ધરપકડ કરી છે. ગાંધીનગર લોકલ કાઇમ બ્રાન્ચના એલ.સી.બી.ના માણસોની અલગ અલગ ટિમો પેટ્રોલિંગમાં હતી.

તે દરમિયાન મળેલ બાતમીના આધારે સાંપા ગામની સીમ અતિથ ફાયબર કંપનીની પાછળ તથા શિવ કૃપા એગ્રો ફુડસ નામની કંપનીની સામે બાયડથી દહેગામ રોડની બાજુમાંથી આઇસર ટ્રકમાંથી ભારતીય બનાવટની વિદેશી અલગ-અલગ બ્રાન્ડની નાની મોટી બોટલો નંગ-2400, પેટીઓ નંગ-143 જેની કિંમત રૂપિયા 4,59,168 તથા આઇસર ટ્રક  જેની કિંમત રુઓઇય 5,00,000/- તથા એક નંગ મોબાઇલ અને રોકડા રૂપિયા મળી કુલ રૂપિયા 9,60,098/-નાં મુદ્દામાલ સાથે આરોપી બસીરખાન અલીખાન બેલીમ સાંચોર (રહે.ઝેડીયાવાસ, રાજસ્થાન) વાળાને પકડી પાડી પ્રોહીબીશનનો ગણનાપાત્ર કેસ શોધી કાઢવામાં આવેલ છે અને પકડાયેલ આરોપીએ એક અન્ય નામ આપેલ જેમાં પ્રિતેશ કલાલને ઝડપી પાડવા શોધખોળ હાથ ધરવામાં આવી છે.