નવસારીનાં જલાલપોર પોલીસ સ્ટેશનના પી.આઇ.ના માર્ગદર્શન હેઠળ પોલીસ સ્ટાફ પ્રોહિબીશનની કામગીરી માટે પેટ્રોલીંગમાં હતો તે વખતે બાતમી મળી હતી કે, ખરસાડ ગામની સીમમાંથી ઈંગ્લિશ દારૂ ભરેલી કાર અબ્રામા તરફ જનાર છે.

જેના આધારે પોલીસે વોચ ગોઠવી બાતમીના વર્ષાન વાળી દમણ પાસિંગની ક્રિયા સેલ્ટીસ કારને અટકાવી તલાસી લેતા તેમાંથી ઈંગ્લિશ દારૂની બોટલો નંગ ૩૭૭ જેની કિંમત રૂપિયા ૪૭.૧૨૫ મળી આવતા પોલીસે તેના ડ્રાઇવર નરેન્દ્ર ગજુભાઈ પટેલ (રહે.નેવરી ડહેલી ગામ, તા.પારડી, જિ.વલસાડ)ને ઝડપી પાડયો હતો. જયારે આ ગુનામાં ઈગ્લિશ દારૂ ભરાવી આપનાર હેમુ ખરપડીયા (રહે.સુરંગી, સેલવાસ, તેમજ ઈંગ્લિશ દારૂ મંગાવનાર મુકેશ (નવસારી)ને વોન્ટેડ જાહેર કર્યા હતાં. બનાવ અંગે જલાલપોર પોલીસે પ્રોહિબીશન એક્ટ મુજબનો ગુનો દાખલ કરી કાયદેસરની કાર્યવાહી હાથ ધરી હતી.