નવસારી રૂરલ પોલીસે હાઇવે ઉપર બોરીયાચ ટોલનાકા પાસેથી વાપીથી સુરત લઈ પામ જવાતા રૂ.૪૯ હજાર ઇંગ્લીશ દારૂ ભરેલી કાર સાથે તેના ચાલકને ઝડપી પાડયો હતો. જ્યારે આ ગુનામાં સુરતના બે ઈસમોને વોન્ટેડ જાહેર કરાયા હતાં.

સુત્રો પાસેથી મળતી માહિતી અનુસાર, નવસારી રૂરલ પોલીસ સ્ટેશનના પી.આઈ.નાં માર્ગદર્શન હેઠળ સર્વેલન્સ એલીડીયમ સ્ટાફ પ્રોહિબીશનની કેબલ કામગીરી માટે પેટ્રોલીંગમાં હતો. તે વખતે મળેલી બાતમીને આધારે હાઈવે રોડના બોરીયાચ ટોલનાકા પાસે વોચ ગોઠાવાઈ હતી. આ સમયે વાપીથી સુરત લઇ જવાતો રૂ.૪૯,૨૦૦/-ની કિંમતનો ઇંગ્લીશ દારૂ ભરેલી કાર આવતા તેને અટકાવી તપાસ કરાઈ હતી. આ વખતે કારમાંથી દારૂનો જથ્થો મળી આવ્યો હતો. આ સાથે જ કારના ડ્રાઇવર રવિન્દ્રભાઉ ખીલારી (ઉ.વ.૪૦., રહે.ધારાવી, નવી મુંબઈ)ની અટકાયત કરાઈ હતી. પોલીસે ઇંગ્લીશ દારૂ અને કાર મળી રૂ.૩,૫૪,૨૦૦/-નો મુદ્દામાલ કબજે કર્યો હતો. જ્યારે પોલીસે આ ગુનામાં ઈંગ્લીશ દારૂ મંગાવનાર સુરતના બુટલેગર રામુ તથા શંકરપંચમ યાદવને વોન્ટેડ જાહેર કર્યા હતાં.