સુરત જિલ્લાના માંગરોળના હથુરણ ખાતે મજૂરને કામ કરવા બાબતે ખેતર માલિકે માર મારી જાનથી મારી નાંખવાની ધમકી આપવાના મામલે કોસંબા પોલીસ મથકે ગુનો નોંધાયો હતો.

સુત્રો પાસેથી મળતી માહિતી મુજબ, કોસંબા પોલીસની હદમાં હથુરણ ગામની સીમમાં ટાંકી ફળિયામાં રહેતા ૩૫ વર્ષીય ઉમેશભાઈ પ્રકાશભાઇ વસાવા હથુરણ ગામની સીમમાં આવેલી મહમદ ઇલિયાસ અહમદ મુખ્તાર ભૈયાતની વાડીમાં હાજર હતા. જે દરમિયાન મહમદ ઇલિયાસ ઉમેશભાઈ પાસે આવી ખેતરમાં કામ કરવા બાબતે માર મારી હવે પછી કામ બરાબર નહીં કરે તો જાનથી મારી નાંખવાની ધમકી આપી ત્યાંથી ચાલ્યો ગયો હતો. આ બાબતે મજૂરે કોસંબા પોલીસ મથકે ફરિયાદ કરતા પોલીસે મહમદ ઇલિયાસ ભૈયાત વિરુદ્ધ ગુનો નોંધી આગળની તપાસ હાથ ધરી હતી.