કેન્દ્ર સરકારે તાત્કાલિક અસરથી દેશમાં દેખાતી 63 પોર્ન વેબસાઈટ પર પ્રતિબંધ મૂકી દીધો છે. આ વેબસાઈટને બ્લોક કરવાનો આદેશ ટેલિકોમ્યુનિકેશન વિભાગે કર્યો હતો. આ વેબસાઈટસનાં યુઆરએલને સર્ચ રીઝલ્ટમાંથી હટાવી દેવાનો આદેશ કર્યો છે. ઈન્ટરનેટ સર્વિસ પ્રોવાઈડર્સને એક નોટિસ પાઠવવામાં આવી છે.

નવા આઈટી કાયદા પ્રમાણે આ કાર્યવાહી કરવામાં આવી છે. મોબાઈલ ફોન, લેપટોપ કે ડેસ્કટોપમાં આ વેબસાઈટ ખુલે નહીં તે માટે તેના યુઆરએલ બ્લોક કરી દેવાશે. ઉલ્લેખનીય છે કે, ઉત્તરાખંડ હાઈકોર્ટનાં આદેશ બાદ 2018થી અત્યાર સુધીમાં સરકારે 800 જેટલી પોર્ન વેબસાઈટનાં યુઆરએલ બ્લોક કર્યા છે.