સોનગઢના ચાંપાવાડી ગામ પાસેથી વાહનચેકિંગ દરમિયાન એક બાઈક પરથી દારૂની 72 બાટલીઓ મળી આવી હતી જોકે બાઈક ચાલક નાશી છુટ્યો હોવાનો બનાવ પોલીસ મથકે નોંધાયો છે.

 

 

 

 

મળતી માહિતી અનુસાર સોનગઢ પોલીસ સ્ટાફના માણસો બુધવારે સાંજે પોલીસ સ્ટેશનના વિસ્તારમાં પેટ્રોલિંગમાં હતા તે દરમિયાન ચાંપાવાડી ગામ પાસે આવેલ ઈંટના ભઠ્ઠા પાસે એક બાઈકનો ચાલક પોલીસને જોઈ જતા બાઈક સ્થળ પર મૂકી નાશી છુટ્યો હતો જોકે પોલીસે સ્થળ પર દોડી આવી તપાસ કરતા બાઈક નંબર જીજે/19/એન/225 ની પાછળ બાંધેલ એક કોથળામાંથી સુગંધી સંતરાની દારૂની કુલ બાટલીઓ નંગ 72 મળી આવી હતી.

 

 

 

 

 

આ બનાવમાં પોલીસ કોન્સ્ટેબલ ચંદ્રકાંતભાઈની ફરિયાદના આધારે 10 હજારની બાઈક અને 3,600/- રૂપિયાનો દારૂ મળી કુલ રૂપિયા 13,600/-નો મુદ્દામાલ કબજે કરી નાશી ગયેલો અજાણ્યા બાઈક ચાલક સામે ગુનો નોંધી વધુ તપાસ હાથ ધરી હતી.(સાંકેતિક તસ્વીર)