મૂળ દાહોદ જિલ્લાના ઝાલોદ તાલુકાનાં જેતપુર ગામનો અને હાલ માંડવી તાલુકાનાં અમલસાડી ગામે રહેતો સુભાષભાઈ સંતુકભાઈ ભાભોર (ઉ.વ.૩૫) પાઈપ બનાવવાની ફેક્ટરીમાં કામ કરતો હતો. જોકે સાંજે નોકરી પરથી છૂટ્યા બાદ તે દુકાનવાળા ચિરાગભાઈની બાઈક લઈને અરેઠ ખાતે આવેલી ઓફિસે પૈસા લેવા માટે ગયો હતો.

તે સમયે કસાલ ગામની સીમમાં મહિન્દ્રા પિકઅપ ટેમ્પોના ચાલકે તેની બાઈકને ટક્કર મારી દીધી હતી. જોકે સુભાષ બાઈક સાથે નીચે પટકાયો હતો અને આ અકસ્માતમાં ગંભીર ઇજા થતાં સારવાર અર્થે ૧૦૮ એમ્બ્યુલન્સમાં સુરતની નવી સિવિલ હોસ્પિટલ લઈ જવાયો હતો. જ્યાં સારવાર દરમિયાન તેનું મોત થતાં માંડવી પોલીસે મૃતકના ભાઈ વિપુલ ભાભોરની ફરિયાદના આધારે પિકઅપ ચાલક વિરુદ્ધ ગુનો નોંધી આગળનીતપાસ હાથ ધરી હતી.