વડોદરાનાં ડભોઇ તાલુકાનાં ભીલાપુર ગામે વસાવા ફળિયામાં રહેતો વિક્રમ દલસુખ રાઠોડિયા તેની પત્ની આરતી તેમજ બે બાળકો સાથે ભીલાપુરથી વણાદરા ગામ તરફ બાઈક લઈને જતા હતા ત્યારે ભીલાપુર ગામની રેલવે ફાટક પાસે સામેથી પૂરપાટ ઝડપે આવતી એક ટ્રકે બાઇકને જોરદાર ટક્કર મારી બાઈક પર બેસેલા પતિ પત્ની અને બાળકોને રોડ પર પટકાયા હતા. જોકે બાઈક ચાલક વિક્રમ પર ટ્રકની ડ્રાઇવર સાઈડનું વ્હિલ ફરી વળતા ઘટના સ્થળે મોત નીપજ્યું હતું. આ સાથે તેની પત્ની આરતી પણ મોતને ભેટી હતી. જ્યારે બે સંતાનોને નાની મોટી ઈજા થઈ હતી. અકસ્માત બાદ ટ્રક છોડીને ચાલક ફરાર થઈ ગયો હતો. ઘટના અંગે ડભોઇ પોલીસે ગુનો નોંધી વધુ તપાસ હાથ ધરી હતી.