ભરૂચ શહેરના અયોધ્યાનગર સોસાયટીમાં અરવિંદ હપુરામ સીંગલા પરિવાર સાથે રહીને ટાઈલ્સ ફીટીંગનું કામ કરીને પોતાનું ગુજરાન ચલાવે છે. જયારે તેમના પત્ની અનિતા સીંગલા દહેજ બાયપાસ રોડ પર આવેલા શિલ્પી સ્કેવરમાં સફાઈની કામગીરી કરવા જાય છે. અનિતાબેન રાબેતા મુજબ સવારે પોતાના કામ અર્થે નીકળ્યા હતા.

તે સમયે કોઈ અજાણ્યા વાહન ચાલકે અનિતાબેનને અડફેટેમાં લેતા અકસ્માત સર્જાયો હતો. અકસ્માતમાં અનિતાબેનને શરીર અને માથાના ભાગે ગંભીર ઈજાઓ પહોંચતા તેઓને તેમના સાથી બહેનોએ તાત્કાલિક સારવાર અર્થે ભરૂચ સિવિલ હોસ્પિટલ લઈ ગયા હતા. જોકે ત્યાં હાજર તબીબે તેમને મૃત જાહેર કર્યા હતા. બનાવ અનિતાબેનના પતિ અરવિંદ સીંગલાએ અજણ્યા વાહન ચાલક વિરુદ્ધ ફરિયાદ નોંધાવી હતી.