બારડોલી નગરના ગાંધીરોડ ઉપર આવેલ જયદીપ ટાવરમાં રહેતા દંપતી વચ્ચે ઝગડો થતાં પત્નીએ પંખા સાથે દુપટ્ટો બાંધી ગળે ફાંસો ખાઈ આત્મહત્યા કરી પોતાનું જીવન ટૂંકાવી લીધું હતું.

સુત્રો પાસેથી મળતી માહિતી અનુસાર, બારડોલીના ગાંધીરોડ ઉપર આવેલ જયદીપ ટાવરમાં રહેતા પંકજભાઇ સદાનંદ મીશ્રા (ઉ.વ.38) જે.કે.લક્ષ્મી સીમેન્ટ પ્લાન્ટમાં નોકરી કરી પરિવારનું ગુજરાન ચલાવે છે અને ગતરોજ રાત્રિના સમયે તેમની પત્ની જયશ્રીબેન તેમની માતા સાથે ફોન ઉપર વાત કરતા હોય જે બાબતે પતિ-પત્ની વચ્ચે બોલાચાલી થઈ હતી. જે વાતનુ જયશ્રીબેન માઠુ લાગી આવતા તેમને પોતાના ઘરના રૂમમાં પંખા સાથે દુપટ્ટા વડે ગળે ફાંસો ખાઇ આત્મહત્યા કરી લીધી હતી. બનાવ અંગે બારડોલી પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.