બારડોલીના ભૂવાસણ સ્થિત જ્યોતિ ઉત્કર્ષ સંસ્થાનની સાધારણ સભાનું 27/06/2021ને રવિવારના રોજ સાંજે 4 કલાકે ઓનલાઈન ડિજીટલ માધ્યમ GOOGLE MEET દ્વારા આયોજન કરવામાં આવ્યું હતું.

જેમાં વર્ષ 2021–2024ની કારોબારી સમિતિની રચના અને હોદ્દેદારોની વરણી કરવામાં આવી હતી. પ્રમુખ તરીકે અલ્પેશભાઇ માહયાવંશીની ફરી વખત સર્વ-સમ્મતીથી વરણી કરવામાં આવી હતી. જ્યારે ઉપ-પ્રમુખ તરીકે નરેશભાઇ માહયાવંશી અને કિરીટભાઇ પટેલ, મહામંત્રી તરીકે ભરતભાઇ માહયાવંશી, સહમંત્રી તરીકે કિશોરભાઇ પાનવાલા અને હેમાન્સુ માહયાવંશી, ખજાનચી તરીકે નિમેશભાઈ માહયાવંશી, મીડિયા મંત્રી તરીકે હિતેશભાઇ માહયાવંશીની વરણી કરવામાં આવી. આ સાધારણ સભામાં એજન્ડાના તમામ કામ સર્વ-સંમતીથી મંજૂર કરવામાં આવ્યા હતા. અત્રે ઉલ્લેખનીય છે કે, જ્યોતિ ઉત્કર્ષ સંસ્થા દક્ષિણ ગુજરાત વિસ્તારમાં ગરીબ અને જરૂરતમંદ વિદ્યાર્થીઓ તેમજ પરિવારો માટે શૈક્ષણિક અને મેડિકલ સહાય કરતી આવી છે.