બારડોલીના સાંકરી ખાતે આવેલ સ્વામિનારાયણ મંદિર વધી રહેલા કોરોનાના સંક્રમણને ધ્યાનમાં રાખતા મંદિર બંધ કરવાનો નિર્ણય સ્વામિનારાયણ સંતો દ્વારા લેવામાં આવ્યો છે.

કોરોના મહામારીનું સંક્રમણ હાલમાં દિન-પ્રતિદિન વધતું જાય છે. સમાજની સુરક્ષા તેમજ પોતાની સુરક્ષા માટે જાહેર સ્વાસ્થ્યના હિતને ધ્યાનમાં લઈને 11 એપ્રિલ 2021 રવિવારથી બી.એ.પી.એસ સ્વામિનારાયણ મંદિર સાંકરી તથા સાકરી મંદિર નીચે આવતા તમામ હરિમંદિરો અનિશ્ચિત સમય સુધી દર્શનાર્થીઓ માટે બંધ રહેશે. તમામ ભક્તોને સાંકરી મંદિરના ઠાકોરજીના આરતી-દર્શન ઓનલાઈન gg.gg/bapssankrilive લિંક પર સવારે 7.30 થી 8.30 અને સાંજે 6.30થી 7.30 દરમિયાન કરી શકશે.