બારડોલી તાલુકામાં ગતરાત્રીએ ધોધમાર વરસાદ વરસતા બારડોલી ગાંધીરોડ પર આવેલ રાજીવનગર ગલી-૨માં પાણી ભરાયા હતા. જોકે પાણી ખૂબ ઝડપે ભરાતા ૨ લોકો પાણીમાં ફસાયા હતા જેની જાણ બારડોલીના જન સાધારણ સેવા ટ્રસ્ટના સભ્યો ઘટના સ્થળે દોડી આવી બારડોલી ફાયર વિભાગને જાણ કરી હતી જે બાદ ફાયર વિભાગના જવાનો દ્વારા ગણતરીની મિનિટમાં જ  ફસાયેલા ૨ વ્યક્તિઓનું રેસ્ક્યુ કરવામાં આવ્યું હતું. જેમાં ફરજાના મન્સૂર અન્સારી (ઉ.વ.૪૫, રહે.રાજીવનગર ગલી-૨) અને મન્સૂર એહમદ અન્સારી (ઉ.વ.૪૬ રહે.રાજીવનગર ગલી-૨)ના ઓને બચાવી લેવામાં આવ્યા હતા. આમ ઈમાનદારી પૂર્વક કામગીરી કરી બારડોલી ફાયર વિભાગની ટીમે ૨ લોકોનો જીવ બચાવ્યો હતો.