બારડોલીના તલાવડી વિસ્તારમાં એક ઘરમાંથી જિલ્લા એલસીબીએ 74 હજારના વિદેશી દારૂ સાથે એક ઈસમની ધરપકડ કરી કાયદેસરની કાર્યવાહી હાથ ધરી હતી. 

સુત્રો પાસેથી મળતી માહિતી અનુસાર, સુરત જિલ્લા એસસીબીની ટીમ ગત તા.02જી ઓક્ટોમ્બરે રાત્રે બારડોલી પોલીસ સ્ટેશન વિસ્તારમાં પેટ્રોલિંગમાં હતી. તે સમયે મળેલ ખાનગી બાતમીના આધારે, બારડોલીના તલાવડી વિસ્તારમાં રહેતા તૌફિક શબ્બીર શેખ નામના બુટલેગરે તેના ઘરમાં વિદેશી દારૂનો મોટો જથ્થો સંતાડી રાખ્યો છે. જે બાતમીના આધારે પોલીસે છાપો મારી તૌફિકની ધરપકડ કરી હતી અને ઘરમાંથી 768 બોટલ વિદેશી દારૂની બોટલો મળી આવી હતી જેની કિંમત રૂપિયા 74,400/- હતી આમ, પોલીસે યાકુબ અસલમ શેખ, મુનાફ સત્તાર અન્સારી અને ગીતા ચિરાગ ભંડારીને વોન્ટેડ જાહેર કરી આગળની તપાસ હાથ ધરી હતી.