બારડોલી તાલુકાનાં હિંડોલીયા ગામની સીમમાં હાઇવે ઉપર મુસાફરોને લઈને જતી એસ.ટી બસના ચાલકે સ્ટેયરિંગ પરથી કાબૂ ગુમાવતાં બસ રોડની સાઈડમાં ઉતરી ગઈ હતી. જોકે આ દુર્ઘટનામાં તમામ મુસાફરોનો આબાદ બચાવ થયો હતો.

બનાવની વિગત એવી છે કે, સુરતથી એસ.ટી.બસ નંબર જીજે/18/ઝેડ/3001નો ચાલક મુસાફર લઈ વ્યારા જઈ રહ્યો હતો. તે સમયે બારડોલી તાલુકાનાં હિંડોલીયા ગામની સીમમાં નેશનલ હાઈવે નંબર-53 ઉપરથી પસાર થતા સમયે અચાનક બસના ચાલકને ખેંચ આવતા ચાલકે સ્ટેયરિંગ પરથી કાબૂ ગુમાવી દીધો હતો અને બસ રોડની બાજુમાં આવેલ ખાડામાં ઉતરી ગઈ હતી અને બસમાં 20 થી 25 જેટલા મુસાફરો બેઠા હતા. જોકે. સર્જાયેલ આ અકસ્માતમાં તમામ મુસાફરો, ચાલક તેમજ કંડક્ટરનો ચમત્કારિક બચાવ થયો હોવાનું જાણવા મળ્યું હતું.