સુરત જિલ્લાના બારડોલી તાલુકાના સરભોણ ગામે ગાયત્રી પરિવાર દ્વારા અનોખું સેવાકીય કાર્ય કરવામાં આવી રહ્યું છે. ગાયત્રી જયંતિ હોય સરભોણ વિભાગ ગાયત્રી પરિવાર દ્વારા પંથકમાં કોરોનામાં અવસાન પામનારના પરિવારોને ભેગા કરવામાં આવ્યા હતા અને 64 જેટલા પરિવારોને જીવન જરૂરિયાતની ચીજ વસ્તુઓની કીટનું  વિતરણ કરવામાં આવ્યું હતું.
 

સરભોણ સહિતના આસપાસના ગામોમાંથી કોરોનામાં અવસાન થનાર વ્યક્તિના પરિવાર જનોના એક વ્યક્તિને હાજર રાખ્યા હતા. કીટ સાથે દરેક પરિવારને એક એક વૃક્ષ પણ ભેટ આપી પર્યાવરણનો સંદેશો પણ આપવામાં આવ્યો હતો.