બારડોલી તાલુકા પંચાયત ખાતે સ્વામી વિવેકાનંદ ગુજરાત રાજ્ય યુવા બોર્ડ દ્વારા પુસ્તક વિતરણ કાર્યક્રમ જિલ્લા પંચાયત પ્રમુખ ભાવેશ પટેલના અધ્યક્ષ સ્થાને યોજાયો હતો. યુવા કેન્દ્રોના પ્રતિનિધિઓને સ્વામી વિવેકાનંદના જીવન પર આધારિત પુસ્તકોનું વિતરણ કરવામાં આવ્યું હતું.

આ કાર્યક્રમમાં બારડોલી તાલુકાના ગામોમાં સ્વામી વિવેકાનંદ યુવા કેન્દ્રના પ્રતિનિધિઓ ઉપસ્થિત રહ્યા હતા. ભાવેશ પટેલે ઉપસ્થિત યુવાઓને તેમના ગામોમાં કોરોના વિરોધી વેક્સિનેશનને લઈ જાગૃતિ અભિયાન ચલાવવા અપીલ કરી હતી. તેમણે ગામમાં લોકોને સમજાવીને વધુમાં વધુ રસીકરણ થાય તેના પર ધ્યાન કેન્દ્રિત કરવા આહ્વાન કર્યું હતું. આ પ્રસંગે મામલતદાર જીજ્ઞા પરમાર અને તાલુકા વિકાસ અધિકારી ઉપસ્થિત રહ્યા હતા અને વેકસીનેશન કાર્યને પ્રોત્સાહન આપવા યુવાનોને આહવાન કર્યું હતું.