તેલંગણાનાં વારંગલ શહેરમાં એક ચોંકાવનારા કિસ્સો સામે આવ્યો છે. અહીં 8 વર્ષનાં એક બાળકનું ચોકલેટ ખાતા સમયે મોત નીપજ્યું છે. મળતી વિગતો અનુસાર, તેના પિતા આ ચોકલેટ ઓસ્ટ્રેલિયાથી લાવ્યા હતા. આ ઘટનાની ચર્ચા માત્ર તેલંગણામાં જ નહીં આખા દેશમાં છે. ઉલ્લેખનિય છે કે, 8 વર્ષનો સંદીપ સિંહ ચોકલેટ ખાઈ રહ્યો હતો. આ દરમિયાન ચોકલેટનો એક ટુકડો તેના ગળામાં ફસાઈ ગયો અને સંદીપ તડફળીયા મારવા લાગ્યો હતો. ઘણા પ્રયાસો છતાં ચોકલેટનો ટુકડો ગળાથી નીચે પણ ન ઉતર્યો અને મોમાંથી બહાર પણ ન આવ્યો. જેમાં પુત્રની ખરાબ હાલત જોઈને પરિવાર ગભરાઈ ગયો હતો અને તુરંત તેને એમજીએમ હોસ્પિટલમાં લાવવામાં આવ્યો હતો. જ્યાં ડોક્ટરોએ મૃત જાહેર કર્યો હતો.