વ્યારાનાં કણઝા ફાટક પાસે આવેલ ધન્વંતરી કલિનીકમાં કબ્જો જમાવવા સામાન બહાર કાઢી નુકસાન કરવા સાથે મારામારી કરવાનો કેસ વ્યારાની ચીફ જયુડી.મેજી.કોર્ટમાં ચાલ્યો હતો. જેમાં આરોપીને બે વર્ષની સજા ફરમાવતો હુકમ કર્યો હતો. જોકે આરોપીને પ્રોબેશનનો લાભ આપવામાં આવ્યો છે.

મળતી માહિતી મુજબ, વ્યારાનાં તાડકુવા નજીક ધન્વંતરી કલિનીક નામની દુકાનમાં ગત તારીખ ૧૨/૩/૨૦૨૦ નારોજ કલિનીકમાં ગેરકાયદેસર રીતે વિશાલ રામુભાઈ પટેલ તથા બે મહિલાઓએ પ્રવેશ કરી, કિલનીકનો સરસામાન બહાર કાઢી નાંખી અંદાજીત ૧૦થી ૧૫ હજારનું નુકસાન કરવા સાથે હરીશભાઈ પાટીલ (રહે.માલીવાડ, વ્યારા)ને ઢીક્કમુક્કીનો મારમારી અને જાનથી મારી નાંખવાની ધમકી આપી હતી. જેની ફરિયાદ પોલીસ મથકે થઈ હતી. આ કેસ વ્યારાની નામદાર કોર્ટમાં ચાલુ જતા વિશાલભાઈ પટેલને બે વર્ષ સજા તેમજ જેમાં પ્રોબેશનનો લાભ આપતો હુકમ ચીફ જયુ.મેજી.એન્ડ એડી. સીનયર સિવિલ જજ જીજ્ઞેશ પટેલે કર્યો હતો.