ઉચ્છલ-નિઝર હાઇવે માર્ગ પર અજાણ્યા વાહન અડફેટે બાઈક ચાલકનું સારવાર દરમિયાન મોત નીપજ્યું હોવાનો બનાવ ઉચ્છલ પોલીસ મથકે નોંધાયો છે.

 

 

 

 

 

મળતી માહિતી અનુસાર ઉચ્છલ તાલુકાના વડપાડાભીંત ગામના રહીશ બલરામભાઈ રેવજીભાઈ ગામીત (ઉ.વ.43) નાઓ તા.20મી માર્ચ નારોજ રાત્રે આશરે 9:00 કલાકના અરસામાં પોતાની મોટર સાયકલ નંબર જીજે/19/બી/2133 લઈને ઉચ્છલના ધજ ગામની સીમમાંથી પસાર થઇ રહ્યા હતા તે દરમિયાન ઉચ્છલ-નિઝર રોડ ઉપર કોઈ અજાણ્યા વાહનની અડફેટે બાઈક ચાલક બલરામભાઈ ગામીતને શરીરે ગંભીર ઈજાઓ પહોંચતા સારવાર અર્થે ખસેડવામાં આવ્યો હતો જોકે ટુકી સારવાર દરમિયાન તેમનું મોત નીપજ્યું હતું.

 

 

 

 

 

બનાવ અંગે રેવજીભાઈ જાનીયાભાઈ ગામીતની ફરિયાદના આધારે અજાણ્યા વાહન ચાલક વિરુદ્ધ ઉચ્છલ પોલીસે ગુનો નોધી વધુ તપાસ હાથ ધરી છે.