સાપુતારા માલેગામ રાષ્ટ્રીય ધોરી માર્ગ ઉપર એક ટ્રેલર પલ્ટી ગયા બાદ તે જ સ્થળે અન્ય એક ટ્રેલર ટ્રકની બ્રેક ફેલ થતા બેકાબુ ટ્રેલર સામે આવતી ટ્રક સાથે અથડાયું હતું. ત્યારબાદ તે માર્ગ સાઈડે આવેલી સંરક્ષણ દીવાલ સાથે અથડાતા ઉંડી ખીણમાં ખાબકતા રહી જતા મોટી દુર્ઘટના ટળી હતી. જ્યારે અન્ય બનાવ માલેગામ સામગહાન વચ્ચે આવેલા યુ ટર્નમાં માર્ગ વચ્ચે પડેલા ખાડાને બચાવવા જતા પીકઅપ ચાલકે સ્ટેયરિંગ પરથી કાબુ ગુમાવતા પીકઅપ માર્ઘ સાઈડે સંરક્ષણ દીવાલ સાથે ધડાકાભેર અથડાઈ હતી. જોકે બંને અકસ્માતોમાં ચાલકોનો ચમત્કારીક બચાવ થયો હતો, વાહનોને વ્યાપક નુકસાન થયું હતું.