બારડોલી-નવસારી રોડ પર બપોરના સમયે એક ટ્રાવેલ્સની કાર મુંબઈ એરપોર્ટ પર જતી હતી. તેની પાછળ એક અન્ય કાર પુરપાટ ઝડપે આવી રહી હતી તેનું ટાયર ફાટતા આગળ ચાલતી કાર સાથે અથડાઈન રોડની સાઈડે ખાડામાં પલ્ટી મારી ગઈ હતી આ અકસ્માત થતા બારડોલી-નવસારી વચ્ચેનો વાહન વ્યવહાર થોડા સમય માટે બંધ થયો હતો.

બપોરના સમયે બારડોલીથી એક કીયા કાર નંબર જીજે/૦૫/સી/૫૫૯૫ બારડોલીથી મુંબઈ એરપોર્ટ જવા માટે નીકળી હતી. તાજપોર ગામના પાટીયા પાસે પાછળથી પુરઝડપે આવી રહેલી એક કાર નંબર જીજે/૫/સીબી/૭૩૯૬નું ટાયર ફાટતા આ કારના ચાલકે સ્ટીયરીંગ પરથી કાબુ ગુમાવતા આગળ ચાલી રહેલી કીયા કાર નંબર જીજે/૦૫/સી/૫૫૯લ્પ સાથે સાઈડે ધડાકાભેર અથડાઈને આઈર૦ કાર રોડની સાઈડે ઉંડા ખાડામા પલ્ટી મારી ગઈ હતી. જોકે આ અકસ્માતમા બંને કારના ચાલકો અને બેઠેલા લોકોને કોઈ ઈજા પહોચી ન હતી. ઉંડા ખાડામા પલ્ટી મારેલી કારને ક્રેઈન વડે બહાર કાઢી જામ થયેલો ટ્રાફિક દૂર કરાયો હતો.