ભરૂચનાં વાઘોડિયા જીઆઈડીસી નોટિફાઈડ એરિયામાં પેટ્રોલિંગ કરતી વડોદરાની બાલાજી સિક્યુરિટી એજન્સીની સિક્યુરિટી વેનના ચાલકે વાઘોડિયા હનુમાનજી મંદિર પાસે એક બાઈકને અડફેટે લેતા બાઈક ચાલક અને સવાર બંન્ને હવામા ઊછળી દુર ફંગોળાયા હતા.

સમગ્ર અકસ્માતની ઘટના વાઘોડિયા જીઆઈડીસીમાં લગાવેલ સીસીટીવીમાં કેદ થઈ હતી. અકસ્માતના સ્થળે લોકટોળા એકત્ર થયા હતા બંને ઘાયલ બાઈક ચાલકોને ૧૦૮ મારફ્તે નજીકની ખાનગી હોસ્પિટલમાં સારવાર અર્થે ખસેડવામાં આવ્યા હતા. ઘટના અંગેની જાણ વાઘોડિયા નોટિફાઈડ ઓફિસમાં થતા અધિકારીઓ પણ દોડી આવ્યા હતા. ઘટના અંગેની જાણ વાઘોડિયા પોલીસને કરાઈ હતી. જોકે બાલાજી સિક્યોરીટી એજન્સીના વેનનાચાલકે બાઈકચાલક પુરપાટ ઝડપે આવી પોતાની વેનમા અથડાયા હોવાનો જાણવા મળ્યું હતું. સમગ્ર મામલે હવે પોલીસ આગળને કાર્યવાહી હાથ ધરી હતી.