સુરતના કામરેજ તાલુકાનાં ખોલવડ ગામે આવેલ ઓપેરા રોયલ સોસાયટીમમાં રહેતા યુવકે ગળે ફાંસો ખાઈ આત્મહત્યા કરી લીધી હતી. સુત્રો પાસેથી મળતી માહિતી અનુસાર, કામરેજ તાલુકાના ખોલવડ ગામે આવેલ ઓપેરા રોયલ સોસાયટીમાં રહેતો ચેતન રામજી સાવલિયા (ઉ.વ.33) જે ગત તા.19ના રોજ સાંજે સાત વાગ્યા પહેલા તેના બેડરૂમમાં પંખા સાથે લટકી આત્મહત્યા કરી લીધી હતી. જોકે યુવકે કયા કારણોસર આપઘાત કર્યો તેનું કારણ જાણી શકાયું નથી. બનાવ અંગે કામરેજ પોલીસે નંદલાલ વિનુભાઇ સાવલિયાની ફરિયાદના આધારે અકસ્માત મોતનો ગુનો નોંધી આગળની તપાસ હાથ ધરી હતી.