સોનગઢના બેડી ગામના વિસ્તાર માંથી દેશી દારૂના મુદ્દામાલ સાથે એક મહિલાને પોલીસે ઝડપી પાડી કાયદેસરની કાર્યવાહી હાથ ધરી હતી.

જીલ્લા એલસીબી પોલીસ સ્ટાફના માણસો આજરોજ બપોરે પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન સ્ટાફના માણસોને મળેલ બાતમીના આધારે બેડી ગામના સડક ફળીયામાંથી  હાથ બનાવટના દેશીદારૂના મુદ્દામાલ સાથે પુષ્પાબેન ઉકાડીયાભાઈ ગામીત નામની મહિલાને એલસીબી પોલીસની રેઈડમાં ઝડપી પાડવામાં આવી હતી.બનાવ અંગે પોલીસકર્મી દીપકભાઈની ફરિયાદના આધારે દેશીદારૂના મુદ્દામાલ સાથે ઝડપાયેલી મહિલા વિરુદ્ધ કાયદેસરની કાર્યવાહી હાથ ધરવામાં આવી હતી.