સોનગઢના સરજાંબલી ગામના વિસ્તાર માંથી દેશીદારૂ બનાવવા માટેનું ગોળ-મહુડાના રસાયણ સાથે એક શખ્સને જિલ્લા એલસીબી પોલીસે ઝડપી પાડી કાયદેસરની કાર્યવાહી હાથ ધરી હતી.જોકે દારૂ બનાવવા માટેનો ગોળ-મહુડાનો જથ્થો પૂરો પાડનાર નીંદવાડા ગામનો વેસ્તાભાઈ વસાવાને વોન્ટેડ જાહેર કરવામાં આવ્યો હતો.

 

 

 

 

 

જિલ્લા એલસીબી પોલીસ સ્ટાફના માણસો તા.11મી મે મંગળવારના રોજ સાંજે 4 કલાકના અરસામાં ખાનગી વાહનમાં બેસી સોનગઢ પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન સ્ટાફના માણસોને મળેલ બાતમીના આધારે સરજાંબલી ગામના ડુંગરી ફળીયામાં રેઇડ કરી હતી પોલીસ રેઇડ દરમિયાન ઠાકોરભાઈ ગોવલાભાઈ વસાવા ને તેના ઘરની પાછળના ભાગેથી દેશીદારૂ બનાવવાના માટેનું ગોળ-મહુડાનું આશરે 320 લીટર જેટલા રસાયણના મુદ્દામાલ સાથે ઠાકોર વસાવાને એલસીબી પોલીસની રેઈડમાં ઝડપી પાડવામાં આવ્યો હતો.

 

 

 

 

 

પોલીસની તપાસમાં નીંદવાડા ગામમાં રહેતો વેસ્તાભાઈ સેવલાભાઈ વસાવા નામના ઇસમે દેશીદારૂ બનાવવા માટેનો ગોળ-મહુડાનો જથ્થો પૂરો પાડ્યો હોવાનું જાણવા મળતા તેને વોન્ટેડ જાહેર કરવામાં આવ્યો હતો. બનાવ અંગે પોલીસ કોન્સ્ટેબલ દીપકભાઈની ફરિયાદના આધારે બંને કસુરવારો વિરુદ્ધ સોનગઢ પોલીસ મથકે ગુનો દાખલ કરવામાં આવ્યો હતો.