અજાણ્યા વાહન અડફેટે સોનગઢના મૈયાલી ગામના 45 વર્ષીય ઇસમનું મોત નિપજ્યું હોવાનો બનાવ સોનગઢ પોલીસ મથકે નોંધાયો છે.

મળતી માહિતી અનુસાર સોનગઢ તાલુકાના મૈયાલી ગામના નિશાળ ફળીયામાં રહેતા 45 વર્ષીય રાજેશભાઇ બાલુભાઇ ગામીત, મંગળવાર નારોજ સુઝીકી મેક્ષ 100 મોટર સાયકલ નંબર GJ-19-C-6555 ઉપર વ્યારા થી મૈયાલી ગામે ઘરે પરત આવતા હતા તે વખતે મૈયાલી ગામની સીમમાં સાંઢકુવા ગામ તરફ જતા સ્ટેડ હાઇવે ઉપર ડુંગરની સામે અજાણ્યા ફોર વ્હીલ ગાડીના ચાલકે પુરઝડપે અને ગફલત ભરી રીતે હંકારી લાવી અડફેટમાં લેતા રાજેશભાઇને ગંભીર ઈજાઓ પહોંચવાના કારણે મોત નિપજયું હતું. જોકે અકસ્માત કરનાર અજાણ્યા ફોર વ્હીલ ગાડી લઇને સ્થળ પરથી નાશી છુટ્યો હતો.

બનાવ અંગે મૃતકના પુત્ર કિરણભાઇ રાજેશભાઇ ગામીતની ફરિયાદના આધારે બનાવ દાખલ કરી પોલીસએ કાયદેસરની કાર્યવાહી હાથ ધરી હતી.