મહારાષ્ટ્રનાં સતારાનો એક જવાન જમ્મુ-કાશ્મીરમાં આતંકવાદી સાથેની અથડામણમાં શહીદ થઈ ગયો હતો. તેમનો મૃતદેહ અંતિમવિધિ માટે અહીં લાવવામાં આવશે એમ જાણવા મળ્યું છે. સતારામાં જાવળા તાલુકામાં રહેતા જવાન પ્રથમેશ પવાર (ઉ.વ.22)ના પરિવારમાં માતા, પિતા, નાનાભાઈનો સમાવેશ હતો. લશ્કરની તાલીમ લીધા બાદ પ્રથમેશની પોસ્ટીંગ જમ્મુ-કાશ્મીરમાં કરવામાં આવી હતી. જમ્મુ- કાશ્મીરના સાંબા સેકટરમાં ફરજ બજાવતી વખતે આતંકવાદી સાથે થયેલી અથડામણમાં પ્રથમેશ શહીદ થઈ ગયો હતો.